ضميري.



,,,,,,,,,
            استيقظت ذات مرة في نصف الليل ِ مذعورن مبهورن مبشورن .,علي صوت خروشة في صدري,
أنا: خير اللهم اجعله خير ..مين!
ضميري:<من جوا صدري مع تردد الصوت> إزيك..,بقالنا كتير ماشفناش بعض .,ماسلمناش علي بعض ...مااتكلمناش مع بعض
أنا: الأستاذ محمود سعد معايا ..؟ إيه دا يا ضميري ,حتي الضماير ماعندهاش دش وبتتفرج علي البيت بيتك
دا وقت تصحيني فيه.,وإيه اللي مسهرك لدلوقتي
 شكلك كنت بتشيت مع "ضميرة" .
ضميري : شششت أنا هطير من الفرح,أطلب وإتمني ياخبلانة وأنا أنفذلك ,ليك معايا تلات طلبات..أنا النهاردة نويت أسعدك لإني سعيد وهابي
أنا(شهقة): إرهابي .!؟
ضميري: إرهابي نيو يير ..خخخخخخخخ
أنا: إيه ده ..إيه البواخة دي
أنا: المهم., أنا بقه نفسي ..نفسي تكترلي هواياتي
ضميري : هواياتك ..  خد عندك إيه رأيك ..الغتاته ..؟,والغباء .. ؟والأباحة ..؟
أنا:استنى استنى من جهة الغتاتة والغباء فأنا مكفي إحتياجاتي وبصدر,
أما الأباحة ..بقول نأجلها شوية
ضميري: طب ليك ف نظم القوافي.؟
أنا: إيه نصب القوافي دي!
ضميري: نظم , نظم القوافي .,مش عارف نظم القوافي.! طب أنا حقول كلام وإنت حاول تجيب قافيته ويبقى ده نظم القوافي,أقولك مثلن تعرف تقول حاجة علي وزن  <المتبهدلون>
أنا:لأ ..ما أعرفش,أشوفها في الدليل
ضميري :دليل الأدب هاهاها
ضميري: أدب السعد نياها ها
أنا: خلاص خلاص فهمت ,يخربيت اللي يخش معاك في حوار
ضميري : حوار وحشي..:(وبينهأ):..
ضميري: وحشي كرنب.
أنا:باااااااااااس., أنا هعملك حظر تجول
ضميري : تجول لا إرادي
أنا: خلاص(منه لله محمود سعد) خلاص أنا آسف
ضميري: آسف أمين ..أنا: هتخنق بس كفاية..مش عاوز منك حاجة إمشي إمشي
ضميري : كده يبقى إنت فهمت ..  اتضرب إنت بقي علي الهواية الجديدة دي وإنت تبقي نحلة من كتر العسل ,.. بقيلك طلبين ,ها نفسك ف إيه !
أنا:  نفسي تبعد عني .. ولا أقولك خلي دي للآخر ., أنا نفسي أنجح بقه وأخلص تعليم
ضميري: لأ صعبه دي ..ولا العفريت حتى يقدر يعملها .,شوفلك غيرها
أنا: طب  بلاش ..نفسي بقه أبويا هو يخش طب ويجرب ويرحمني ويعرف أد إيه أنا بشقي
ضميري: ماشي ندخله طب ,إن شاالله حتي إن مارديوش ..ننطته من فوق السور.
أنا:في حاجة كمان كنت عاوزها منك
ضميري : عاوز إيه إخلص
أنا: بلييز ,ساعدني طيب.. أنا بحتضر مش عاوز أذاكر مش قادر,ساعدني أنجح وأتخرج وأبقي زي الناس الطبيعية الماشية في الشارع
وأبقي كلب ..كلب لو بقيت طالب تاني.
ضميري : ما علينا من إنك كلب من غير حاجة.,بص يابني أنا هديك مفتاح الحل:خليك متفائل., يعني تبص قدامك ,تبص  لليي جاي
أنا: اللي جاي تقيل قوي ياضميري
ضميري: طب دي هانت خالص وقربت., حتي بص للي فات
أنا: فات من عمري كتير
ضميري: تصدق إنت غم,أجيبهالك كده تقولي غم,أجيبها كده برده غم ..إنت بتآكل يأس يابني إنت.!
أنا: إيه المعاملة دي يا ضوضي حتي إنت.!
ضميري : ضوضي .!!
أنا :أه  دلع ضميري D‏:
            يا ضميري إنت أقرب حد ليا,وأنا مش ممكن أجرؤ أفضفض بالأحاسيس دي لشخص تاني .. إنت حد حنين قوي
ضميري : إنت هتعيط ..خلاص.
ضميري: ألا قولي ياخبلانة إنت ليه حرقت كم الجاكت.. كده تجيبلي برد .,
مش عيب عليك يا شحط
أنا: <شحط ..شكلك بتنزل الشارع كتير ياضميري> .
ضميري :بتقول حاجة ياله..سامع طرطشة في وداني
أنا : لا أبدن أبدن ماأنا هقولك أهوه ,أصلي إكتشفت إني  لما بطبخ بإيدي عادي كده ,نار البوتاجاز بتحرق شعر إيدي وأنا مش واخد بالي,واكتشفت إن دا السبب إنه بيختفي فجأة فكان لازم ألبس حاجة بكم.,فاتحرق الكم
ضميري : ها ها ها أحمق.
أنا : أحمق وأزرق خخخخخ.
ضميري :بتقول إيه.؟
أنا: بقولك إن لونه كان أحمر ف أزرق ..
ضميري:دا إنت حَشرة
أنا: ..حَشرة..إحداشر..إتناشر
ضميري:إنصرف ..إنصرف بقي
أنا:إنت إللي إنصرف  .. ياساتر

      حقاً ..القوي ..في الأقوى منه
وهو ضميري هيطلع لمين.؟!
   .. لأذكرن موقف لي مع ضميري هذا
لم يأتني منه نفع ..ولا ضرر
حينما كنت في إعدادي (أول سنة جامعة) حينما كنت داخل كلية العلوم بالشاطبي باحثا  عن المسجد (عشان أصاحب بقه وكده ..
من أول ما تدخل من البوابة تجد لافتات 'إلي المسجد ' .. وبعدها بخطوة 'إلي المسجد' تتبعت كل شئ مكتوب عليه 'إلي المسجد' وإن تضاربت إتجاهاته
وفي النهاية وجدت ستائر ..وملصقات ..و أحذية <غير التي يلبسها الرجال> قلت أكيد هو ده المسجد ..حدثت ضميري قائلا\;
أله..طب طالما ده هو المسجد الإسلبرز دي بتعمل إيه .. جاوبني ضميري\; يمكن لما تدخل أفهم..إدخل بس إدخل
دخلت .,عقلي ما ساعدنيش إني أفهم إن فيه حاجة غلط .,أو إن ده مسجد بنات وبس.. .. ..دخلت ...و إنقطع الإرسال.

              أو حتى يوم أن أرسلني أبي في مشوار قرب المحطة
ذهبت لأركب أتوبيس ,لقيت من بين الأتوبيسات  أتوبيس مكتوب عليه
"تليين"
طب ودي فين "تليين" دي بس ياربي.,الظاهر إن فيه أماكن كتير في البلد لم تدسها قدمي بعد,
ذهبت للسائق ومعي ضميري قولتله: المحطة ياسطى..
 قالي: تليين يابيه
رديت:طب هي دي بتعدي علي المحطة
رد: لقيت الراجل سايب كرسيه ومسك عصاية وقالي إمشي يا (بيييب)بدال ما أنزلك ,إيه الأشكال اللي بتتحدف علينا ف الحر ده بس ياربي
استعجبت واستعجب ضميري من سلوك الراجل وما فهمتش غير لما فهمني أبويا إن التليين هذا فعلٌ تفعله السيارات من بعد العمرة<بفتح العين>.
حتى الضماير .!!

6 اللي يتكسف من مدونة صاحبه مايكتبش فيها تعليق:

سمكه واحده said...

جينا نمسي علي الضميييييييييير
اذيك يا حضمير باشا
اخبراتك؟
عاوز تتعلم الاباحه
اممممممممم
سبني افكر شويه وهدورلك علي استاااااااااذ
يادويع
اعتقد ان الحج ده بقاله كتير اوي مبيزورش قريبه ولا اصدقائه
ضميرك جه
طب اساله مشفش ضميري ولا قابله كده
هه
هه
الله يكرمك
ابقي وصيه يخليه يجيب حاجه حلوه وهو جي لحسن الجو حر حدانا

safa7_karmooz said...

متأكد ان ده ضميرك مش مأجره من برا قانون جديد؟؟ :D

Abd Al-Rahman said...

هههههههههه
تسلم يادكتور
ماشاء الله عندك موهبة قوية فى صناعة الافيهات ...
طبعا انت عارف رأيى فى مدونتك ، وعارف أد إيه أنا بستمتع بيها ...
على فكرة ،
مفتقدك ...
جدا
جدا

sony2000 said...

علي فكرا
ضميرك بيحبك موووووووت
نيهاهاهاااااااااااااااااا:))

MaNoOoSh said...

يظهر ضميرك عايزله شوية تليين عشان يحن عليك ويرحمك شويه
هههههههههههههههههه

وبعدين بقى دخلت مسجد البنات بالغلط
ههههههههههههههههههههههههههه
آه يالئين

كــركــبــة دمـــاغ ㋡ said...

اولاً

هههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههه

سلسله ضحك غير منقطعه كالعاده

يحيا الضمير العربي :-D

هو اليأس ده طعمه ايه :-D

هههههههههههههه حوار وحشي

والله ما عارفه اعلق على ايه ولا ايه

كل الكلام بيخلني اضحك بشكل سفاااااااااح

تسلم ايدك جداً جداً



* حته عـ جنب كده : متشكرة خالص خالص خالص عـ الاهتماااام
موش هاجي اسأل انا في حكايه بلاش تولديني دي ابداً ، هسجلها عـ الموبايل وخلاص ، ثوكراً جدا بجد معلش تعبناك ، نردهالك فـ الافراح ان شاء الله

يلا ،، وداعاً يا فتى

إـّنا نسخرُ مـنْ الهم ّ
تحظر المدونة على الإخوات الكبار
يكتبها مراهق,
(هذه المدونة)
♣ لكل إنسان جعل من غمه ضحكة يضحكها الناس..فحبب إليهم فضفضته
♣ وإلى من سخـِر من همه, فهانت مشاكله .. وأصبحت ذاتها حل وراحة لمشاكل الناس
♣ لكل أب سمع ابنه وصدقه وكتم سره وطبطب على كتفه وضمّه
♣ لكل من له شعر صدر ..
♣ إلى الصينيين والأفغان وكل من في آسيا ..لقد نسبت إليكم أكثر مما أنسب لبلدي
♣ لكل مراهق
♣ هدية لكل أخ صغير ..أتى للدنيا كرد فعل لزينة الحياة الدنيا ,بعد ما شبع الأب من الخلفة بإبنه الكبير ..الظالم,فاعتبر الأب ابنه الصغير قضاء وقدر

.

.