ماتخدش ف بالك










صباح المسائيل...بالصبح وبالليل











بـُص يابنـــي إنت وهــوّ .... سلكلـي ودانك من برّه ومن جوّه


واسمع كلامي ..هزار معنديش ....أنا خُلقـي ضيّـق فمتخنقنــيش

 


اللــي يقوله المسئــــول ....نفــذه علــى طــــــول


وإن إداك حاجة .......... حطها في التلاجة


ولو زعلك مرّة .......... سيبه واطلع برّه


وإن إتزهّق عليك .......... شهّد اللي حواليك


واحفظ اللي يقوله ..........واشتكيه لمسئوله


وإن برّقلك بعنيه ..........قولّه : بتبُص كدا ليه


ولو حاول تعزيرك ..........عيـّـطلُه بمناخييـرك


معنــى إنك تتعذرّ ........ يعنــي شرفك بيتبحترّ


والأخ من غير شرفه ........ بتنجـــانه بتتبــذّر

,نسيت محفظتي وأبويا مذنوق ...... دا ردّك تقوله ،وصوتك مخنـــوق


حتصعب عليه ومسيره يفوق ....وبرده مسئولك ,على راسك من فوق





حلو معاك ,صاحبك وشريك .......... دخلنا في الهزار :حاسب لأخفيك


أنا أخ برده ودايس في الأخلاق ....... ومعدي في الدين والطاعة والولاء

يعني تحرّس مني ّ..اشيلك في الننـّي...وغصب عنـّي....... حستحمِل بهدلتك ........بس ورجولتك ،،لتسمع عنـي ّّأحلــــــــــــى الأسماء,


حقدملك في الدعوة ..أفكاري وإبداعي ولأصحالك ليلي ...وأنسالـَك أوجاعي وأعصرلك مناديلي ...ومن أي فرفور ...أعملـّك مسئول





على فكرة أنا بحبك يا مسئولى....... وحنفذ فورا كل اللي تقولهولي


بس ياخـويا وحِياة الغالــي ....... خليك حنيّن واظرفنــي عالي


ودايمــا ً على بالــي ...وأمل حياتي المقتول ...نفسي في حتة مسئول,




وربك ما تنساني.............. دا أنا بيك مشغول
والله فاكرك ............ بالعرض وبالطول
وحتفضل حبيبي ............ وفي عيني زغلول
ويارب صبرك ............ أهي شدة وتزول,



ودايماً بنقـول ............ لأحلـى مسئول خليك بينـّا ............ دايماً على طول,
ويارب صبرك ............ أهي شدة وتزولويارب صبرك أهي شدة وتزول

وطبعاً اللي قال القصيدة هو شاعر العصر المعروف :
إمرؤ القيـيء

13 اللي يتكسف من مدونة صاحبه مايكتبش فيها تعليق:

زهور الامل said...

هههههههههههههه
حلوة اوي عيطله بمناخيرك دي
يع ايه القرف ده

انت فين يا عم من زمان
انا افتكرتهم اعتقلوك ولا حاجة

ومالك بقى ومال المسئول
انت لسة مشوفتش مسئولين بجد

بس بجد البوست تحفة

متغيبش كدة كتير

تحياتي

Anonymous said...

ههههههههههههههههههههههههه

بوست جااااااااامد

ربنا يجعل كلامك خفيف عليهم

هههههههههههههههههههههههه

اخبارك ايه ايه الغيبه دى كلها

المتبهدلون في الأرض said...

منورين يا وومينز .. أنا موجود بس كنت في البيات الخريفي بتاعي .. بعمل شاور ..عشان أغسل كعوب رجليا

أصلي لما بغسل كعوب رجليا بدوّن كويس .. وطبعاً وشـّي بيفتـّح

مشخبطاتي said...

عارف أنا انت كنت فين :D

ايه حكايتك مع المسئولين..فاكر كان نفسي يكون مسئولي اللى كان هناك..ها فاكر..

ربنا يوفقك ويوقعك فى مسئول من اللى أخوك وقع فيهم..:)

وكمان يارب تتحط فى الموقف بتاعهم وييجي متبهدل من بعدك يكتب عليك إن انت طلعته شجرة كافور بضهره..

طبعاً مش هاسأل انت كنت فين؟ وانى مفقتدك وكل الكلام دا..لأني قرأت ونسخت كل اللي انت قلته هناك حرف حرف:)

تحياتي.

ريمان said...

هههههههههههههههههههههههه




ايه ده ازاى انا مدخلتش المدونه دى من زمان


لا القصيده مهييسه اوى اوى

ولا وايه والقافيه مظبوطه


بجد دمها خفيف ضحكتنى موت

ضحكات الحياة said...

جامد

جامد

جامد

جامد

ضحكات الحياة said...

انا ضحكت جداااااااااااااا
فعلا رائعه و الله
بجد مش قادر اوصفلك انا معجب بيها قد ايه

ما شاء الله علي الابداع

بس الكلام في المضمون
و المضمون كده شكله مش حزب وطني
هههههههههههههه

بس فعلا ده واقع مرير و انت فكرتني بالكلية و الدكاتره بتوعي
هههههههههههههههههه

ربنا يوفقك ان شاء الله

دومت مبدعا

شوشو said...

ههههههههههههه

بوست جامد جدا

تحياتى

شوشو

سمكه واحده said...

عملتها وسلكت ودانك انت وهو بردو
البوست جااااامد يامتبهدل
اتفرجت علي الماتش يا متبهدل ولا زي عويدك
هه
هه
هه
مبروك انك غسلت كعوب رجليك عشان تعرف تشوف الماتش وعينك مش مزغلله

كلمات في الصميم يا مهيس
قصدي يامتبهدل
تحياتي

اقصوصه said...

:)

اضحك الله سنك

واحد؟؟؟!!! said...

انت يامعفن ما بتردش عليا ليا

افتح تليفونك او كلمنى

أحمد بسام said...

والله انا لسه راجع من ال و كان نفسى اشوف القصيده ديه عشان اقولهاله
جزيت خيرا و صباحك هياس
لكن اوعى يشوفها فتتعلق

الاخوان المسلمون said...

حااااااااااااااضر حاكتب بخط كويس
الله ينور بس برضه المسئول على عيننا وعلى راسنا
ربنا يبارك فيك ويوفقنا فى حمل دعوته المباركة
والله اكبر ولله الحمد

إـّنا نسخرُ مـنْ الهم ّ
تحظر المدونة على الإخوات الكبار
يكتبها مراهق,
(هذه المدونة)
♣ لكل إنسان جعل من غمه ضحكة يضحكها الناس..فحبب إليهم فضفضته
♣ وإلى من سخـِر من همه, فهانت مشاكله .. وأصبحت ذاتها حل وراحة لمشاكل الناس
♣ لكل أب سمع ابنه وصدقه وكتم سره وطبطب على كتفه وضمّه
♣ لكل من له شعر صدر ..
♣ إلى الصينيين والأفغان وكل من في آسيا ..لقد نسبت إليكم أكثر مما أنسب لبلدي
♣ لكل مراهق
♣ هدية لكل أخ صغير ..أتى للدنيا كرد فعل لزينة الحياة الدنيا ,بعد ما شبع الأب من الخلفة بإبنه الكبير ..الظالم,فاعتبر الأب ابنه الصغير قضاء وقدر

.

.