عبـــــوود اللدوود..!!
سلام عليكوا
إحنا بالصلاة عالنبي النهادرة
حنعرف معلومة مهمة جدا عن شبيه البطريق
إنه تطبيق لنظرية التطور الطبيعي
فالإنسان أصله ضفدع طائر …"ماتسألنيش إزاي"
من غير كلام كتيير .,,أخي عباده يمتلك وحده بنيتن تحتيتين
وتتكون من الأجزاء التحتانية ,وهي زوج من الأرجل المطاطة ..المحاطة بسرج واقٍ من الأسلاك الشائكة "الشعر"
الذي يغطي جميع نواحي جسده من الشرق حتى أقاصي الجنوب
ماراً بالمسطحات المائية
وبنيتة الفوقانية على جسده الحرشوفي وتتكون أيضا ًمن زوج واحد من الأرجل المطاطة التي يبطش بها لمخاليق ربنا
استيقظ أخي عبادة على أنغام "وأنا رمشي ما داق الثوم ..وهو عيونوا ….""
ليلحق باكرا بطابور الحلاقة أمام باب الحمام "من الجيل التالت" المزوّد بأوبشن البانيو,,
وبوقاحة كلب البحر وبدون مقدمات زأر أخي الحنون :: "ماما"بتفخيم الميم "
عملتيلي السندوتشات ؟
وامليلي إزازة ميّه عشان الحنفيّة في الشغل بتنقـّط ..دا أنا اللى حتنقط..!!
(اُذَكِركم أحبائي بأن عبادة هذا هو أخي الشاب الذي يعمل في وزارة "شابة " مثله تمام
والتي تختص بخدمات الرغيف الحاف
......
عندما انتهى أخي من حمامه ..واصبح الحمام وكأنه دخل عراك شنيع ...ارتدى أخي رداءه البلسميّ...مخلفاً وراءه آثار الجريمة ..من رائحة تشبه رائحة الكلاب الميّتة
(دا بهـدل الكنيـف.. عذبــُه)
................ فاصل ونعود..مع عبووووود
عدنا
ارتدى أخي رداه الأبيض في الأبيض على البنطلون الأسود ف الأسود والذي يظل يمط ّ فيه "البنطلون" حتى يوصله إلى أعالى بطنه ليدفء به صدره الرحب "مثل الشراب البكلون..ولكنه لا يلبس فوقه جيبـَة" ...
ووقف بعد ان إنتهي من معركتة اليومية مع الحذاء يريد النيل منه بوضعه على قدمه ,,أمام المصعد الكهربائي "الأسانسير" وكالعادة -وعلى الصبح كده - نسمع أصوات مفزعة متداولة بينه وبين البوابة " يعني مرات البواب" والتي تُعد "اللي هي زوجة البواب" من الطاقات البشرية المعطلة في أجهزة الدولة التدميرية .. والتي يعود تاريخها"زوجة البواب برده" لآآآآآآخر قطعة ضُـمت لمصر منذ عام 67
وبعد أن إنتهى من ذلك كله اتجه إلى أتوبيس الشـُغل مصطحباً معه كيس سندوتشاته ... و أحلى ونيس ..أكيد أتوبيس
عدنا
ارتدى أخي رداه الأبيض في الأبيض على البنطلون الأسود ف الأسود والذي يظل يمط ّ فيه "البنطلون" حتى يوصله إلى أعالى بطنه ليدفء به صدره الرحب "مثل الشراب البكلون..ولكنه لا يلبس فوقه جيبـَة" ...
ووقف بعد ان إنتهي من معركتة اليومية مع الحذاء يريد النيل منه بوضعه على قدمه ,,أمام المصعد الكهربائي "الأسانسير" وكالعادة -وعلى الصبح كده - نسمع أصوات مفزعة متداولة بينه وبين البوابة " يعني مرات البواب" والتي تُعد "اللي هي زوجة البواب" من الطاقات البشرية المعطلة في أجهزة الدولة التدميرية .. والتي يعود تاريخها"زوجة البواب برده" لآآآآآآخر قطعة ضُـمت لمصر منذ عام 67
وبعد أن إنتهى من ذلك كله اتجه إلى أتوبيس الشـُغل مصطحباً معه كيس سندوتشاته ... و أحلى ونيس ..أكيد أتوبيس
11 اللي يتكسف من مدونة صاحبه مايكتبش فيها تعليق:
loooooooooooool
تدوينه خنفشاريه بصراحه
بإنتظار عودتك بعد الفاصل :)
ليه كدة بس
ده انت شرحت الراجل خالص
و بعدين ابقى احكى حاجة حلوة يا عم
ايه الروائح المؤذية دى ؟؟
د.حماس
ههههههههههههه اه لو اخوك شاف اللي بتقول ده عليه ده مش بعيد كان خلاك بدل السندوتشات اللي بيخودها معاك
مستنين عبود والحودود
وخالي بالك من الامن اجعله دائما مستتب
تحياتي
سمكه
السلام عليكم
ايه ده يا عم
هههههههههههههههههه
ايه اللى انته عامله فى اخوك ده
اهدى شوية يا عم ربنا يكرمك احسن نسمع بكرة النعى فى الاهرام الفظيعة ههههههههههههههههه بعد الشر يا اخى
دمت بخير يا عسل والى مزيد من التواصل ويلا سلام
السلم عليكم ورحمه الله وبركاته
نضحك ضحك كالبكاء...ام نبكي كما لو كنا نضحك...لا يختلف الأمر ...فشر البليه ما يضحك...دخلنا في الجد خلينا جد...يا ابو الجد...كلنا متبهدلون ومتدهولون و متفركشون ومتفشكلون ومتدونون في .....
أسعدتني زيارتك صديق العزيز ...واطيب امنياتي يسعدني التواصل معك ...
سلام الله عليكم ايها المعتدلون في الأرض.
واضح انك متضايق من علتك كلها
اخوك
وباباك
و
ربنا يصبرك علي الهم اللي انت شايله
-------------
شكرا لمرورك بمدونتي ارجو الا تكون زيارتك الاخيرة
واجابة علي سؤالك ..
ايوة انا اللي كتبت البوست
السلام عليكم
دمك خفيف موووووت، بس حرام عليك بهدلت أخوك على الآخر
ربنا يستر وما يقراش البوست ده هههههههههه
تحياتي لك وبالتوفيق
السلام عليكم انا جاي ارد الزياره الجميله الي انت زرتهالي
موضوع جميل اوووي دمك زي العسل والله
و اتمني لك المزيد من التفوق و النجاح
ازيك يا متبهدل فى الارض واحنا كمان .. ايه يا ابنى الجمل اللولبيه الفسكونيه دى .. اخوك بيشتغل فى وزارد العواجيز ولا وزارة الجوعانين .. لأ مش التموين .. الجوعانين .. بزمتك يا متبهدل فيه فى اى دوله فى العالم وزاره اسمها التموين .. ولا حتى الشباب غير فى الدول الخنفشاريه المنشكحاويه المتزحلقانيه .. آسف جدا على تأخرى فى الرد علين لولا انى اراجع البوستات القديمه ولقيت التعليق بتاعك فى الاخر ولم التفت اليه عشان كنت نقلت لبوست آخر .. على العموم شرفتنى ونورتنى وجيت لك على طول حافى القدمين كى اعلق واعتزر عن التأخير .. تحياتى يا متبهدل وانا معاك
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
-----------------
يا متبهدل ازيك
حبيت اجى ازور واسلم عليك عشان بصراحه عايز التواصل يدوم بينا اصل انت بتكتب بسخريه زىىى .. والساخرون زينا عمله نادره .. اقصد مرطرطه .. احسن حد يزعل .. تحياتى
Post a Comment