إحصائيات
العام وجه المقارنة | أول سنة ليّا في الجامعة | آخر سنة ليّا في الجامعة | notes |
النوم | نمت 5 شهور في السنة | نمت 4 شهور في السنة | مراهق بقه وكان بيتمدد أثناء النوم |
حلاقة شعري | 5 مرات حلاقة شعر في السنة | 3 مرات حلاقة شعر في السنة | شبيه إنسان الغاب.. طويل الناب ..رث الثياب..مين اللي عالباب .؟؟ |
طرقعة الأصابع | 3251 طرقعة صابع;إيد ورجل; | 1000بس في السنة | لديه أذن موسيقية |
غسيل الأسنان | 144 غسيل أسنان في السنة | 144 غسيل أسنان برده في السنة | معفن من يومه |
الببي ☺ | 2000 مرة ببي | 2001 | يعكس ارتفاع أسهم الببي في البورصة |
ضرب الكومبينشن | 2031 مرة | 2032 مرة | أكيد بيزيد بزيادة الببي..ولا عوزيني ما أضربش الكومبينيشن آخر مرة |
حلاقة ذقن | كل فين وفين (والموس كان يطلع فاضي) | 7 مرات ف السنة | من أولى جامعة وأنا بترجاها تطلع |
غسيل الأطباق | 116 طبق مغسول | 336 طبق مغسول | حكم القوي .. ومراوغة المذاكرة |
شعر الصدر | لا يوجد | / 31 شعره/ | زيادة سنوية تصل ل 14.04 % |
حرقت;مش حلقت; شعر إيدي | كنت عاقل | 10 مرات | الواحد بينسى والعضمة كبرت (واللحمة كمان) وقفة البوتاجاز بنص كم |
فتح باب الشقة | 1600 | 550 | كالون الشقة ألماني ...وبيستحمل |
قفل باب الشقة | 1450 | 551 | مقارنة بالفتح ف أولى جامعة: كان بيخرج وما بيدخلش ..الصايع. مقارنة الفتح بالقفل في آخر سنة : (الباب علق مرة) .. حسدتوا الكالون الألماوي ياظلمة |
تساقط شعر رأسه | 2100 | 9100 | زيادة غدر الزمان بمعدل 50 شعراية ف الغسلة |
تحويش | 365.25 جنيه | 730.5 جنيه | تظبط التاريخ ..على فلوسه |
لبن بودره | مابيحبوش بيشجع لبن الأم | 3 كيلو | ما بقاش يرضع من الجاموسة الحلوب * |
بن | 1 كيلو بن | 1/2 كيلو هتعرف ليه دلوقتي | أخويا كان بيشرب سبع فناجين ورا بعض ويدخل ينام |
نسكافيه(اسم المادة وليس المنتج) | 100 جرام | 1/2 كيلو (عرفت ليه البن قل | ما بجبش نسكافيه لإني مقاطع |
رنة جرس الباب | 616 | صفر | أول سنة في الجامعة : كان بيغتت آخر سنة في الجامعة: أبوه رباه |
طلوع أسانسير | 1200 مرة | 933 | سكن ناس فظيعة في الدور الخامس والسابع ..وأخدوا البتاع لحسابهم |
نزول أسانسير | 1500 | 1000 | الناس الفظاع لسه موجودين في العمارة |
دش ساخن | 3 | 840 | واضح إنه ضد الميّة |
دش ساقع | 527 | 270 | نضيف أنضف من أحمد نضيف |
قراءة كتب | 15 | 7 | جهل ...وابن أبوجهل |
وزني | 59 كيلو | 59كيلو | ده لإن أمه دعت عليه يفضل في الأوف سايد |
مما سبق يتضح أن,
♣ يهوى هذا الشخص ضرب الكومبينشن عالفاضي بمعدل 31/365 مره في السنة (راجع مرات الكومبنشن مقارنة بمرات الببي)
ونستنتج من معادلة 2 و 3 :
♣ حبه المفرط للحمام,حيث أن الإحصائيات تثبت أنه قضي 1/6 من عمره بالحمام
♣ مابيحبش الماء الساقعة ,وبيضرب الكومبينيشن عالفاضي .. ولو أمه عرفت هتحطه فيه وتضرب
♣ حوّش كل يوم جنيه يعني (حسبها صح ..وعاشها صح); والله برافوعليك يامدكور ..إقرفه صح .. يقوم يصحصح.
* هناك معلومة أن الجاموسة لو أكلت قصب .. ينزل اللبن منها مسكّر ... وكل واحد حسب سكره يظبط عدد أعواد القصب ..أو يعزم الجاموسة في عصارة وخلاص
الجديد واللي ما اكتسفتوش البرازيل ..إنك لو أكّلت الجاموسة بُن ... ينزلك النسكافية جاهز .. تاخد منها على بقك على طول (يوجد لَيّ طبي...
" ترقبوا لدينا نكهات أخرى ".
الجديد واللي ما اكتسفتوش البرازيل ..إنك لو أكّلت الجاموسة بُن ... ينزلك النسكافية جاهز .. تاخد منها على بقك على طول (يوجد لَيّ طبي...
" ترقبوا لدينا نكهات أخرى ".
♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
6 اللي يتكسف من مدونة صاحبه مايكتبش فيها تعليق:
هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
كالعاده كالعاده مفيش جديد
بس ايه ده يابني حرام عليك ، بتحرق شعر ايدك !!!! :-D
طب ما تحطه في الفرن بقى وتعمله شعر مشوي :-D:-D
اتفنن يا شيف :-D
بالنوسبه للجاموسه لو اكلناها بيض ،، تطلع كتاكيت طيب ولا ايه النظام ههههههههههههههههه
انا حاسه اني كل مرة بقول نفس الكلميتن
" مش لاقيه تعليق بجد عـ حاجه "
انت سفاااااااح ضحك
تسلم الايادي
ههههههههههههههههههههههههههههه
بجد حلوا فكره الاحصائيه دي
ولما نعملها بجد
هتلاقي مضيعين حجات كتير اوي علي حجات موش ليها لاذمه
يلا خيييييييييييير خييييييييييييييير:)
بتمووووووووووووووتني من الضحك دايما لما بقرا بوستاتك انت جباااااااار بجد
دعوة للتواصل
كاتب مصرى
انت فعلا
دمااااااااااااااااغ
بس انا حاسس ان الاحصاءات ناقصها شوية حاجات :
- عدد ساعات المذاكرة
- نسبة حضور المحاضرات
- نسبة حضور السكاشن
والسنة الجاية ان شاء الله تكتب عدد السيكو سيكو اللى انت حضرتها فى أول سنة ، وعدد السيكو السيكو اللى هتحضرها وانت فى رابعة ، يا سعادة المستقيل ...
إحم إحم
حد فاهم حاجة
ههههههههه
كركبة دمااغ
بالنسبة حضرتك للجاموسة لو اكلناها بيض .. وبما إن دا سؤال اجابته متطورة جدا .. فبكده يكون ناقصها شوية قمح ..ونحلب منها كيكة
منوراني ضحكاتك
:::::::::::::::::
سوني 2000
طبعا عندك حق \\ بس للأسف زي ما انتي شايفة من قلة الوقت مابقاش فيه وقت أضيعه .. بالمناسبة سوني 2010 أحدث بكتيير ..وكمان فيه بلوتوث D:
::::::::::::::
ربنا يخليكي يارب ومايحرمكيش من بوستاتي p-
أنا هنا عشان أسعد البشرية دي .. والبشريات اللي جنبيها
::::::::::::::
علاء المصري
وماله ياعم ...نتواصل
:::::::::::::::
الباشا الكبييير
مسئول السيكوسيكو ... طبعا انا مش هكتب ساعات الدراسة لإنها محتاجة مدونة لوحدها :) ..الحمدلله أنا من رجالات العلم
ولو سمحت ..لو سمحت أنا مش مستقيل أنا مُضرب ... ياظلمة
Post a Comment