911


المجلس بتاع الجامعات
وزارة النتايج والإمتحانات والحاجات دي
الهيئة العليا للدور التاني

نتيجة الطالب / دمااغ تعباان
رقم الجلوس : ya3ene
الــمادة
الـتقـديــــــــر
المادة الأولانية
كويس
المادة التانية
كويس جدن
الفارما
إنت غبي ياله .!!
الميكروبيولوجي
دا منظر واحد في طب .؟!
الباثولوجي
بهيم وما بيفهمش .
التشريح
جامد ياله والدكتورة مبسوطة منك
الفستولوجي
حلو
المادة التامنة
حلو جدن
المناخيير والودان والزور tnt
,إليهي يخرب بيتك
التقدير العام : ناجح ع الحركرك ومنقول للسنة الجاية.
إعتماد ............................................................ إمضاء
رئيس وزارة النتايج وكده................................................. العميدة
السيد الأستاذ العالم الدكتور/ عبده ......................الأستاذة الدكتورة/ أم محمد
وألف مبروك للناجحين وسلـّم على ماما .. ماتنساش

17 اللي يتكسف من مدونة صاحبه مايكتبش فيها تعليق:

سمكه واحده said...

اللهي وانت جاهي يسعدك ويفرح قلبك زي ما فرحت قلبنا ومليت الدنيا فرحه كده ويديك علي اد نياك
خد من قلبي وسر
مبروووووووك يا متبهدل
كلنا مبسوطين منك
ههههههههههه
متنساش سلم علي ماما
تنطتك سمكه

مشخبطاتي said...

على خيرة الله...المهم إن غنت جامد فى التشريح والدكتورة مبسوطة منك...


من الحق أنا باكلمك من بيتنا..يعنى النت دلوقتى بقى كويس وكويس جدن

زهور الامل said...

الف مبروك يا متبهدل والله فرحتني لسة في حد في طب بينجح
عقبال السنة اللي جاية يارب وتبقى كويس جدن جدن جدن

الف مبروك

تحياتي

Anonymous said...

ههههههههههههههههههههههههه

مبروك يا متبهدل

والله انت البلوج بتاعك يكفى انه يخرج انسان من حاله الاكتئاب

هههههههههههههههههههه

لا جامد بجد

بس اوعى تطلع دكتور مناخيير وودان وزور لحسن الدكتور مش مبسطو منك


خليك فى التشريح


حنين

المتبهدلون في الأرض said...

على فكرة المادة الاولى والتانية والتامنة دول مواد أسنان ..لإن انا ببساطة , في أسنان

بس المواد اللي بندرسها من طب .لحد الآن . أكبر من المواد اللي بندرسها في أسنان ,مع إني في أسنان ..ولكن كما تقول الحكمة إقلب القددرة على فمها .. وما تحدفش الناس بالطوب

Pink Dreams said...

هههههههههههههههههههههه

يا ضونايا يا بنى

انت تستحق اكتر من كدا

ازاى ناجح على الحركرك وساكتلهم دا

هههههههههههههههههههههه

معلش بقى تتعوض

تحياتى

سمسم/سما said...

السلام عليكم
اول زيارة لي هنا
ودخلت مش فاهمة حاجة
ممكن يا عم الحج
ترتب المدونة شويه
تعرف انا حاسة ان غرفتك
كده الواحد يدخلها ميعرفش
دخل منين ولا حيخرج منين
على العموم الف الف الف مبروك
النجاح وشد حيلك

ومازلتُ أتعلم said...

برده أول زيارة ليا هنا
بس واضح عليها مدونة دكها خفيف

بس ليه الفارما انت غبى يالا
هو فيه احسن من الفارما

تحياتى

حـــلـــم كـــان said...

التشريح
جامد ياله والدكتورة مبسوطة منك


التشريح اهو ده اللى انت شاظر فيه

لاسع افندى said...

الف مبرووووووووك
بالتقدير الشعبى




تحياتى اللاسعه

Maryama Qandil said...

هههههههههههه

على فكرة الفارما الي ينجح فيها يبقى غبي
دي ماددة .... ( متفهمش غلط ...مادة حقيرة طبعا) ... بناءاً عما نقلوه اصدقاائي
وبما اني تعبانة في دمااغي ومتأجلالي فقرر هي ايه بعد ما انجح فيهاا


مبرووك على النجاااح عالحروكرك جدن



دمت بنجااح وتهيس,,,

Maryama Qandil said...

على فكرة اسم الكاونت حلوو
المتهبهدلون في الارض

فكرني بالراقدون تحت التراب

مش عارفة ازاي بس حلوو برده
كيب اوون

ستيتة said...

إلاهي يسعدك سلم لي ع العميدة ام محمد
وقول لها طنطك الدكتورة ام احمد بتقول لك فين الطاسة الألمونيا اللي استلفتيها وانتم جيران في حارة "عشانا عليك يارب .. وفطرنا كمان" هههههههههههههههههههههه

يا مفرحني انت
اه وماله
جو اون
بس جو بحق وحقيق
ياابو تسعة مقبول
في حياتي ما شفت حد في طب جايب مقبول
جيل اخر زمان
ومكان كمان

ان شاء الله السنة الجاية تمانية جيد والى الأمااااااااااااااااااام

ضحكات الحياة said...

السلام عليكم

ايييه يا عم الكلام الجامد ده
ههههههههههههههه
و تقديرات مية مية
الحمد لله انى انا بعدت عن سكة الطب
و ربنا يوفقك

تحياتى لك

ابو صهيب ( الجمعاوي الاصيل)سابقاً said...

ههههههههههههه

بداية مبروك ياعمنا النتيجة الجامده دي

وعقبال البكبارتوس قصدي البكالريوس

بس فين الحاجة الساقعة

*البت المشمشية *حلوة بس شقية * said...

ههههههه
دةى شكلها النتيجة بتاعتك

Hossam said...

hahahahahhahahahahahahhahahahaahah
بجد جامد جدا والله
ربنا يكرم كل الطلبة يا رب امين
تحياتى صديقى
وعلى فكرة بجد اشتقتلك كتير
كل سنة وانت بخير

إـّنا نسخرُ مـنْ الهم ّ
تحظر المدونة على الإخوات الكبار
يكتبها مراهق,
(هذه المدونة)
♣ لكل إنسان جعل من غمه ضحكة يضحكها الناس..فحبب إليهم فضفضته
♣ وإلى من سخـِر من همه, فهانت مشاكله .. وأصبحت ذاتها حل وراحة لمشاكل الناس
♣ لكل أب سمع ابنه وصدقه وكتم سره وطبطب على كتفه وضمّه
♣ لكل من له شعر صدر ..
♣ إلى الصينيين والأفغان وكل من في آسيا ..لقد نسبت إليكم أكثر مما أنسب لبلدي
♣ لكل مراهق
♣ هدية لكل أخ صغير ..أتى للدنيا كرد فعل لزينة الحياة الدنيا ,بعد ما شبع الأب من الخلفة بإبنه الكبير ..الظالم,فاعتبر الأب ابنه الصغير قضاء وقدر

.

.