الرحمة شويـّة ..؟؟

حينما يكون الإنسان مستغرقاً في حـُلمه ,يتبرتع في جنات أوهامه ,,على السرير الطري ..بطانية تحتيه .. وأخرى فوقيه ,والأخيرة تشبه في ملمسها فرو الأرنب الحاف ,, غير اللحاف الحنون أعلاها
ولكن،
لا أحلام تدوم (على رأي الشاعر ),ولا بد للنعيم من أن ينقضي وهذا إذا ما حلّ موعد الاستيقاظ الثاني -بعد الاستيقاظ الأول لصلاة الفجر-للذهاب للكلية...

ولكن ,أين المشكلة ؟؟

هل هي في الكلية ؟؟..... لا ,, لقد سلمت أمرها لله,
هل هي في اللحاف ؟؟ لأ برده ,


تكونش في المرتبة ؟؟ ..لا أعزائي

سأقطع عليكم الحيرة ,, المشكلة تكمن في أعماق من يأتي ليصحيني..وإذن فالأمر ينحصر في إثنان


أبي وأمي
أما أبي ,فعندما يأتيني فإنه يبدأ بالنداء بصوت خافت , كصوت الضمــير ,,وأنا لا أحس بأن هناك أحدا ينادي ,,وإنما أشعربنغمة هادئة تدلك بنات أفكاري وتزغزغها ,, وينجح أبي في أن يغزو ستار الأحلام ,وأبدأ بالهذيان,فإن كنت أحلم ساعتها فإني أشعر أنه أصبح فرد من أفراد الحلم وأنه وصل لما أفكر فيه ساعتها ,فأبدأ بالحديث معه ,,وهنا
يا للفضايح
ربما يسمع ما لا يُحمد عقباه ,وهو حـُر لو سمع ما لا يرضيه ..!!
والأكثر من ذلك لو ما رضيتش أقوم معاه ,فإنه بقلب وبيتحول ,شخيييييط وزعيق على الصبح ,وكأنني ضربته في أفكاره ,فطرحتها أرضا ً

أما ,أمي الأم كلمة واسعة بما تحويه من ألفة ,, معزّة ,, محبة ,, أمّ(أ م م)
بحروفها الألف (السرير).. الميم (مخدة)..الميم التانية (مرتبة)


أنا أمي والحمد لله , ولا إله إلا الله ..والله أكبر
ولا حول ولا قوة إلا بالله ؟,لا تعجز أن تقوم بقدرتها أن توقظ الثعبان من شرنقته في بياتـُه الشتوي ,,ضربة صوت ولا ضرب النار ,وهنا لا أتجرأ على المماطلة في الصحيان (ما فيش هزار),,ولكن ربما ينقطع مع هذا الفزع وهذه(الخضـّة) سيل حلمي ,,

ورب صوتاً أصدرته أمي عن غيظ ,,,فهببت منتصباً أمام الحمام,معطياً التمام, دا إذا ما كنتش لحقت أوصل الحمام ,,وتسلل البلل لخوفي ,,ومن ثم للمرتبة,,ويحدث ما لا يُحمد شمُّه.!!
،
ولولا بس حرص الواحد على (بذر الوالدين) أنا ماكنتش قمت
بس ,, عقوود الوالدين ,, وحش قوي
والنبي وصىّ على سابع جار
برده

أما ثالثهم وهو أخي الكبير (عابدين) الي طلق طلقات صوته في الهواء ,,ومن شدة الغيظ ربما أنوي عدم الذهاب للكلية عمدا على إفزاعـُه لبراءتي.. وتنكشح اول محاضرة بعيدن (بعيداً)
وأخي الآخر ,, هذا وهو يوقظني أحس أنه يلومنني ويعتب عليّ في شيْ ما ..,لا أعرفه ,,لدرجة البكاء وهو يوقظني ,,قوم يا حبيبي ,قوم ياخويا ,, يا سبعي ,,

10 اللي يتكسف من مدونة صاحبه مايكتبش فيها تعليق:

ستيتة said...

شوف انا ها ابات في المدونة
ايه الضوحك ده
حرام عليك الأفلام اللي كاتبها في البروفيل
انا دمعت من الضحك يا ولدي
ربنا يحميك ويخليلك جزيرة القطن تبعك

انا لطعت مدونتك في البانر عندي لأني لازم انط افط النواحيدي كتير

ربنا يحفظك

حروف said...

هههههههههههههههههههه انا عاجبني اسلوبك من زمانننننننننننننننننن ها ها اها الست ماري منيب ههههههههههههه
والله امي كدة بردك هما اخدين درس في الصحيان ولا ايه وفين هدية عيد ميلادي وكل سنة وانا طيبة ماشي ماشي مدونين اخر زمن سلام
كلعادة ضحكتني
ههههههههههه

ghorBty said...

ربنا معاك

دا قلق ما بعده قلق

احلي حل انك تنام بدري علشان تقوم بدري ولوحدك

:(

غربتي

إيمان said...

هىهىهىهىهى
انا إنجوزت مخصوص علشان
محدش يصحينى ...بس الولاد قاموا بالواجب وزياده
بج دمك خفيف موت واسلوبك تحفه
هبقه أجيب ستوته هانم ونيجى نزورك دايما

سمكه واحده said...

ايوه ياعم
الست ستيته بنفسها عندك ياباشا

ايه الحلاوه دي بوست جميل
الله يسهله ياجميل
اخبراتك ايه؟
واد يا متبهدل قوم فز قوم يا واد
نامت عليك حيطه
اختشي وقوم ياواد

سمكه واحده said...

صحيح نتجاوز ليه خبرايه محنا اكديه تومام
انت اتخضيت علي الطلاج انت اتخضييييييييت
حلوه الاغنيه

مشخبطاتي said...

السلام عليكمــ..

بصراحة أنا كنت جاى أرد الواجب اللى عملته ليا...وأهو رد وخلاص....لكن ماكنتش أعرف إن الجماعة اللى اتبهدلو دول لسه بالحلاوة دى رغم البهدلة اللى بيتعرضو ليها....

فاحب اضرب عيارين فى الهوا وأضيف مدونتك عندى فى المفضلة واعتبر نفسى ضيف دائم أوكما قالت السيدة ستيتة انط النواحيدى كتير...

::::::::::::

آه من الحق أنا ماعرفش الدكتور محمد نبيل اللى بين قوسين أسنان

الحرامي said...

ايه دا كله يا عم الحج
انت عايز مزيكه حسب الله عشان تصحي
والله امك معاها حق
احنا لسه هنطبطب
وبعدين انت تاعب التاس دي كلها معاك ليه كده
ما تجيبلك منبه يا خي
ولا الموبايل اظبطه علي الساعه سته زيي
عشان تصحي تسعه

اقصوصه said...

ههههههههههههههه

طيب ما في منبه ممكن تعتمد عليه

وتقوم لوحدك بدون محد يصحيك؟

بـسـمـــة صـــــلاح said...

ههههههههههههههههههههه
بجد والله هموت من الدحك
أنا بردو بعاني من الحكايه دي
بس بابا بقى بيأزنلي
وماما تكون هاديه وبعدين تعصب
واخويا يرمي عليا ميه ويفضل يجعر وينعر لحد ما اقوم واضربه من غيزي
واختي بتلطشني على طول
وموال
ههههههههههههه
اتبسطت بوجودي هنا وان شاء الله مش المرة الأخيرة
وعلى فكرة عاجبني اسم(المتبهدلون في الأرض ) دم حضرتك خفيف جدا
دمت بكل ود
تحيـــــــاتي(:

إـّنا نسخرُ مـنْ الهم ّ
تحظر المدونة على الإخوات الكبار
يكتبها مراهق,
(هذه المدونة)
♣ لكل إنسان جعل من غمه ضحكة يضحكها الناس..فحبب إليهم فضفضته
♣ وإلى من سخـِر من همه, فهانت مشاكله .. وأصبحت ذاتها حل وراحة لمشاكل الناس
♣ لكل أب سمع ابنه وصدقه وكتم سره وطبطب على كتفه وضمّه
♣ لكل من له شعر صدر ..
♣ إلى الصينيين والأفغان وكل من في آسيا ..لقد نسبت إليكم أكثر مما أنسب لبلدي
♣ لكل مراهق
♣ هدية لكل أخ صغير ..أتى للدنيا كرد فعل لزينة الحياة الدنيا ,بعد ما شبع الأب من الخلفة بإبنه الكبير ..الظالم,فاعتبر الأب ابنه الصغير قضاء وقدر

.

.